Wednesday, 23 May 2018 03:20 am, Nepal

सुन्तला खेतीबाट आत्मनिर्भर

मेचीकाली : 2018-01-05 13:54:12


अर्घाखाँची, २१ पुस :

पाणिनी गाउँपालिकाको पणेना सिम्ले गाउँका बासिन्दा सुन्तला खेतीबाट आत्मनिर्भर बन्दै गएको छ । सिम्लेमा अहिले झण्डै ७० कृषक व्यावसायिक सुन्तला खेतीमा लागेका छन् भने पणेनामा २०० घरधुरी अहिले सुन्तला खेतीबाट रु ५० हजारदेखि रु १२ लाखसम्म आम्दानी गरिरहेका छन् ।

यहाँका युवा वैदेशिक रोजगारीबाट फर्किएर व्यावसायिक सुन्तला खेतीमा लागेका छन् । भारतीय सेनाको जागिर छाडेर फर्किएका पणेनाका ७३ वर्षीय हुमनाथ पौडेल अहिले अर्घाखाँचीकै सफल कृषक बन्नु भएको छ ।

“सुन्तला खेतीबाट वार्षिक रु ६ लाखभन्दा बढी आम्दानी हुने गरेको छ,” उहाँले भन्नुभयो । पौडेलको बगैँचामा अहिले ६०० भन्दा बढी सुन्तलाका रुख रहेका छन् । उहाँले बारी, खेत, खर्कमा सुन्तला खेती गर्नुभएको छ ।

पणेना र पोखराथोकमा सुन्तला खेती फष्टाउँदै गएको छ । व्यावसायिक सुन्तला खेतीमा लागेका सिम्लेका रेवतीराज पौडेलको बगैँचामा झण्डै ४५० सुन्तलाका रूख रहेका छन् । उहाँले वार्षिक रु तीन लाखदेखि रु पाँच लाखसम्म आम्दानी गर्नुहुन्छ ।

“सुन्तला बिक्रीका लागि कुनै समस्या छैन,” उहाँले भन्नुभयो । यहाँ उत्पादन भएको सुन्तला प्रतिकिलो रु ७५ देखि रु ९० सम्ममा बिक्री भइरहेको छ । यस वर्ष रु चार लाख आम्दानी हुने उहाँको विश्वास छ ।

सुन्तला बिक्रीबाट मात्र हैन यहाँका किसानले सुन्तलाको नर्सरी राखी बिरुवा बेचेर मनग्य आम्दानी गर्दैआएका छन् । यहाँका किसानले सुन्तला, कागती, जुनारलगायत बिरुबा बिक्री गर्दैआएका छन् ।

प्रतिक्रिया दिनुहोस्

नाम:

इमेल:

प्रतिक्रिया:
नेपालीमा टाइप गर्नुहोस् । अंग्रेजीमा टाइप गर्न Ctrl+G थिच्नुहोस् ।

सुरक्षा संकेत:
verification image, type it in the box



 

भर्खरै

 

धेरैले पढेको

 

भर्खरै प्राप्त प्रतिक्रियाहरु

 

मेचीकाली भिडियो

महाभुकम्प

थप भिडियोहरु