Tuesday, 26 September 2017 11:55 pm, Nepal

अमेरिकामा नेपालीलाई चार पटक मानहानी मुद्धा

मेचीकाली : 2014-09-27 08:09:54


अमेरिकामा डलर फलाउन आएका एक नेपालीलाई अमेरिकाको म्यारिल्याण्ड तथा डिसी अदालतमा चार पटक मानहानी मुद्धा दायर भएको खबर प्राप्त भएको छ l करिब १० बर्ष अगाडी अमेरिका छिरेका काठमाडौँ बौद्धका बिनोद कुमार नेपाललाई जुलाई २०१३ देखि म्यारिल्याण्ड राज्यको सर्किट कोर्ट अफ मन्टगोमेरी काउन्टी (म्यारिल्याण्ड ) तथा मार्च २०१४ देखि सुपेरिएर कोर्ट अफ डिस्ट्रिक अफ कोलम्बिया (वाशिंगटन डिसी )मा मानहानी ,चरित्र हत्या ,धोखाधडी ,असत्य लेखेको कारण मुद्धा दायर गरिएको बुझिएको छ l अमेरिकामा नेपालीहरुको बसाई सराई पछि यस्तो प्रकारको नेपालीलाई लागेको मुद्धा पहिलो भएको पुस्टि भएको छ l

अमेरिकाको सशक्त संस्था ए एन ए का कार्यकारी समिति अबैधानिक तथा संस्थाले बर्षेनी गर्ने महाधिवेसन गैर कानुनि भनि सन् २०११ देखि अमेरिका भरिका नेपाली समुदायलाई भ्रम फैलाउदै आएका नेपाललाई अदालतले अनिवार्य हाजिर हुन् आदेश दिए पछि अदालतमा उपस्थिति भएका छन् l

अमेरिका जस्तो मुलुकमा संस्थाका तमाम वर्तमान नेतृत्व वर्गलाई स्व घोषित गरि सत्ता कब्जा गरि भनि बारम्बार समुदायलाई सूचना दिएको कारण उनि माथि मानहानीको मुद्धा दायर भएको बताईएको छ l अमेरिकाका राष्ट्रपति बाराक ओबामाले सम्मेलनमा दुई पटक शुभकामना दिएको उक्त संस्था ,नेपालका लागि अमेरिकन राजदुत बोडे सम्मेलनका प्रमुख अतिथि तथा संस्थापक अधक्ष्य समेत उपस्थिति रहेको उक्त संस्थालाई अबैधानिक भनि असत्य लेखि सामाजिक संजालमा पठाएको संदेशले उनि माथि यस्तो गर्नु बाध्यता भएको बताईएको छ l

कहिले पनि नेपाली समुदायको कुनै पनि कार्यक्रममा उपस्थित नभई पूर्वाग्रहपुर्वक लेखेको कारण उनि माथि दुई वटा अदालतमा ठुलो राशिको क्षति पूर्तिको माग सहित न्याय पाउ भनि ब्यक्ति तथा संस्थाले मुद्धा दायर गरेका हुन् l

 मुद्धा नलागोस भनि अमेरिकाको भर्जिनिया ,टेनेसी ,बोस्टन तथा न्यु ह्याम्प्सर राज्यहरुमा बसोबास परिवर्तन गर्दै आएको बुझिएको छ l उनले बिदेशी बिरुद्ध नलेखि आफ्नै  नेपाली समुदायमा स्थापना भएका संस्था तथा बिभिन्न व्यक्तिहरुलाई धज्जी उडाएको कारण न्यालालयमा ल्याईएको हो l यिनी सक्कली हुन या नक्कली हुन अधिकांश नेपाली समुदाय अझ पनि विश्वस्त नभएको अवस्थामा अदालतमा उपस्थितिले साचो हुन भनि यकिन भएको छ l

उनले अमेरिकाको अदालतले पठाएको पत्र समेत नबुझी बिभिन्न बहाना गर्दै अदालतलाई पनि समेत अटेर गरि झुक्याएका थिए l अदालतले उनलाई फेला पार्न नसके पछि दुवै अदालतबाट मानहानी मुद्धा खारेजी गरेता पनि पुन दुवै मुद्धा फेरी बिउताइ दिएको छ l जुन दिन अदालतले खारेजी गरि दिन्थ्यो उनले तुरुन्तै आफुले मुद्धा जितेको भनि सामाजिक संजाल मार्फत सूचना दिन्थे l

उनले लेखेको यस्तो सार्बजनिक सूचना प्रमाण सहित दुवै अदालतमा वादीहरुले बिनोद कुमार नेपाल अमेरिकामा छ भनि दाबीको साथ मुद्धाको कारवाही अगाडी बढाई पाउ भनि पुन बुझाए पछि अदालतको कारवाईमा परेका हुन l अदालतले यी व्यक्ति अमेरिकामा नै भएको प्रमाण फेला पारे पछि उनलाई बाध्य  गरेकोले नेपाल अन्तत्वगत्वा न्यायालयको कठघरामा हाजिर भएका छन l

 म्यारिल्याण्ड राज्यको सर्किट कोर्ट अफ मन्टगोमेरी काउन्टी (म्यारिल्याण्ड )को अदालतमा एएनए का पुर्व अधक्ष्यले नेपाल माथि मुद्धा दायर गरेको बुझिएको छ l  एएनए का पुर्व अधक्ष्य अमेरिकामा अध्ययन गरेका हुनाले उनि जागिरको शिलशिलामा चिन भ्रमणमा गएको समयमा अदालतमा उपस्थिति नहुदा उक्त मुद्धा अदालतले खारेजी गरिदिएको सूचनामा उल्लेख छ l श्रोत अनुसार उनले अर्का वकिलको व्यवस्था गर्ने र पुन मुद्धा दायर गर्ने तयारमा रहेको बुझिएको छ l  मुलुक बाहिर नेपालीलाई लागु पदार्थ ओसार पसार तथा चेलीबेटी बेचबिखन जस्ता क्रियाकलाबमा अदालत ल्याईएको थुप्रै घटना भएका छन्  तर एक व्यक्तिलाई चार पटक सम्म दुई वटा अदालतमा मानहानीमा मुद्धा लगाईएको बिश्व मै नेपाली समुदायको ईतिहासमा पहिलो भएको दाबि गरिएको छ l

दि एसोसिएसन अफ नेपलिज इन अमेरिका (ए एन ए ) श्रोत अनुसार उनले ४ बर्ष देखि एएनए का सम्पूर्ण पदाधिकारी तथा संस्थालाई गम्भीर आरोप ,व्यक्तिगत लान्छना लगाएका करिब तीन दर्जन भन्दा ज्यादा प्रमाण अदालतमा पेस गर्ने बुझिएको छ l

प्रतिक्रिया दिनुहोस्

नाम:

इमेल:

प्रतिक्रिया:
नेपालीमा टाइप गर्नुहोस् । अंग्रेजीमा टाइप गर्न Ctrl+G थिच्नुहोस् ।

सुरक्षा संकेत:
verification image, type it in the box



 

भर्खरै

 

धेरैले पढेको

 

भर्खरै प्राप्त प्रतिक्रियाहरु

 

मेचीकाली भिडियो

महाभुकम्प

थप भिडियोहरु