dashain
Wednesday, 17 October 2018 12:57 am, Nepal

बेपत्ताको खोजी कार्य आज पनि जारी–एकै परिवारका चारजना बेपत्ता

रासस : 2013-10-16 10:37:54


चितवन, ३० असोज : त्रिशूली नदीमा माइक्रोबस खस्दा बेपत्ता भएका ११ जनाको खोजी कार्य आज पनि जारी छ । दुर्घटनामा एकै परिवारका चार र अर्को एक परिवारका तीनजना बेपत्ता रहेका छन् ।बेपत्ता हुनेमा भरतपुर नगरपालिका–६ का एकै परिवारका ३९ वर्षीय झलकप्रसाद ढकाल, ५ वर्षीय निमेष ढकाल, १० वर्षीय आभाष ढकाल र सम्झना ढकाल रहेका छन् । 

यसैगरी धादिङ वेनिघाट–८ का एकै परिवारका ४८ वर्षीय लोकबहादुर बानियाँ, १७ वर्षीया अप्सरा बानियाँ र १९ वर्षीया चन्दा बानियाँ रहेका छन् । जिल्ला प्रहरी कार्यालय चितवनले दिएको जानकारीअनुसार अन्य बेपत्ता हुनेहरूमा मङ्गलपुर–४ की ३२ वर्षीया सविना पौडेल, उनकी छोरी १२ वर्षीया रेश्मा पौडेल, धादिङ केवलपुरका २७ वर्षीय माहिला परियार र ठेगाना नखुलेकी पार्वती तिवारी रहेका छन् । बेपत्ता भएकाहरूको सशस्त्र प्रहरीको कुरिनटारस्थित विपद् व्यवस्थापन तालिम केन्द्रका जवान र स्थानीयवासीको टोलीले खोजी कार्य जारी राखेको छ । 

दुर्घटनामा घाइते हुनेको सङ्ख्या नौ रहेको छ । घाइतेमध्ये चितवन घर भई झापामा कार्यरत सशस्त्र प्रहरीका सहायक निरीक्षक भूपेन्द्र पौडेल, भरतपुर–१२ निवासी ३५ वर्षीया  सुनिता ढकाल, धादिङ बेनिघाट–८ का १५ वर्षीय रोशन बानियाँ ,१४ वर्षीया ज्ञानु बानियाँ, ठेगाना नखुलेका अन्दाजी ३५ वर्षीय खेमलाल गुरुङ, गैडाकोट–८ का अन्दाजी ४० वर्षीय पुरुष, गोर्खा ताक्लुङ–३ का १२ वर्षीय दिनेश तिवारी र माइक्रोबसका सहचालक धादिङ नौविसे–४ का १६ वर्षीय कपिल पाण्डे  रहेका  जिल्ला प्रहरी  कार्यालयले जनाएको छ । घाइतेमध्ये एकजना उपचारपछि घर फर्किएका र गुरुङ एवम् नाम नखुलेका पुरुषको अवस्था गम्भीर रहेको प्रहरीले जनाएको छ । उनीहरूको भरतपुरस्थित कलेज अफ मेडिकल साइन्सेसमा उपचार भइरहेको छ ।   घटनामा मृत्यु भएका दुईजनाको शव अहिले भरतपुर अस्पतालमा राखिएको छ । दुर्घटनामा ललितपुर जिल्ला निवासी ३६ वर्षीया निशा पौडेल र अस्ट्रेलियन नागरिक ३३ वर्षीया म्याथामिक म्याजिक म्यारियाको मृत्यु भएको थियो । नारायणगढबाट काठमाडौँका लागि छुटेको बा२ख २५९८ नम्बरको माइक्रोबस सोमबार दारेचोकको  फिस्लिङमा खसेको हो । माइक्रोबसमा २१ जना सवार रहेका प्रहरीले जनाएको छ । रासस

प्रतिक्रिया दिनुहोस्

नाम:

इमेल:

प्रतिक्रिया:
नेपालीमा टाइप गर्नुहोस् । अंग्रेजीमा टाइप गर्न Ctrl+G थिच्नुहोस् ।

सुरक्षा संकेत:
verification image, type it in the box



 

भर्खरै

 

धेरैले पढेको

 

भर्खरै प्राप्त प्रतिक्रियाहरु

 

मेचीकाली भिडियो

भुन्टी-निशान भट्टराई

थप भिडियोहरु