Happy tihar
Monday, 23 October 2017 08:29 am, Nepal

काँग्रेसले ३२ वटै जिल्लाका उम्मेदवार टुंगो लगायो

मेचीकाली : 2017-10-22 12:00:24

काठमाडौँ, ४ कात्तिक : नेपाली काँग्रेसले आगामी मंसिर १० गते प्रदेश र प्रतिनिधिसभा सदस्यका लागि निर्वाचन हुने ३२ जिल्लाका निर्वाचन क्षेत्रमा उम्मेदवार टुंगो लगाएको छ । काँग्रेसले संघीय समाजवादी फोरम नेपाल, नयाँ शक्ति नेपाल, राष्ट्रिय प्रजातन्त्र पार्टी (राप्रपा) र राप्रपा (प्रजातान्त्रिक)सँग चुनावी तालमेल गरेर उम्मेदवार टुंगो लगाएको केन्द्रीय सदस्य डा प्रकाशशरण महतले सञ्चारकर्मीलाई जानकारी दिए । उम्मेदवारको टुंगो लगाउन काँग्रेसका वरिष्ठ नेता रामचन्द्र पौडेलसहितका शीर्ष नेताहरु आज साँझ अबेरसम्म प्रधानमन्त्री निवास बालुवाटारमा छलफलमा जुटेका थिए ।

पुरा पढ्नुहोस्

उम्मेदवारको मनोनयन दर्ता शान्तिपूर्ण रूपमा शुरु

रासस: 2017-10-22 11:57:20

काठमाडौँ, ५ कात्तिक : पहिलो चरणमा आगामी मसिर १० गते हुने प्रतिनिधिसभा तथा प्रदेशसभा सदस्य निर्वाचनका लागि आज ३२ जिल्लाका मुख्य निर्वाचन अधिकृत र निर्वाचन अधिकृतको कार्यालयमा उम्मेदवारी मनोनयनको दर्ता शान्तिपूर्ण रूपमा शुरु भएको छ । उम्मेदवारी मनोनयन दर्ताका लागि मुख्य निर्वाचन अधिकृत र निर्वाचन अधिकृतको कार्यालयबाट विभिन्न राजनीतिक दलका उम्मेदवार तथा स्वतन्त्र उम्मेदवारले मनोनयनको फाराम लैजानाका साथै उम्मेदवारी दर्ता गर्ने क्रम शुरु भएको निर्वाचन आयोगका प्रवक्ता नवराज ढकालले जानकारी दिनुभयो । प्रतिनिधिसभा सदस्यतर्फ ३७ निर्वाचन क्षेत्र र प्रदेशसभातर्फ ७४ निर्वाचन क्षेत्रमा पहिलो हुने निर्वाचित हुने प्रणालीतर्फ आज उम्मेदवारी दर्ता हुँदैछ । मनोनयन दर्ता कार्यक्रम बिहान १० देखि अपराह्न ५ बजेसम्म चल्ने छ ।

पुरा पढ्नुहोस्

अदातलको आदेशबाट निर्वाचन व्यवस्थापनमा सहयोग पुगेको छः आयोग

रासस: 2017-10-18 20:00:19

काठमाडौँ, १ कातिक : प्रमुख निर्वाचन आयुक्त डा अयोधीप्रसाद यादवले आगामी प्रतिनिधिसभाको निर्वाचन तोकिएकै मितिमा हुने भएकाले सबै मतदातालाई ढुक्क रहन आग्रह गर्नुभएको छ ।‘प्रतिनिधिसभा सदस्य तथा प्रदेशसभा सदस्य निर्वाचन’ को तयारीका विषयमा जानकारी गराउने उद्देश्यले आज यहाँ आयोजित पत्रकार सम्मेलनमा उहाँले भन्नुभयो, “निर्वाचनलाई स्वच्छ, स्वतन्त्र र विश्वसनीय वातावरणमा सम्पन्न गर्न सबै सरोकारवालाबाट पूर्ण सहयोग हुनेमा आयोग ढुक्क छ ।” मतपत्रका बारेमा सर्वाेच्च अदातलबाट आज भएको आदेशबाट आयोगको निर्वाचन व्यवस्थापनमा सहयोग पुगेको बताउँदै प्रमुख निर्वाचन आयुक्त डा यादवले भन्नुभयो, “अदालतबाट औपचारिकरुपमा फैसलाको प्रति प्राप्त छैन, यद्यपि प्राप्त सूचनाअनुसार, अदालतको फैसलाबाट निर्वाचनको तिथि, मिति र व्यवस्थापनमा कुनै असर पुग्ने छैन ।”

पुरा पढ्नुहोस्

बाम गठबन्धनले आधारभूत तहसम्म संयुक्त कार्यक्रम गर्ने

रासस: 2017-10-18 14:22:10

प्रकाश सिलवाल
काठमाडौँ, १ कात्तिक :
नेकपा (एमाले) र नेकपा (माओवादी केन्द्र) ले चुनावी तालमेल र एकीकृत पार्टी निर्माणको पहललाई प्रभावकारी निष्कर्षमा पु¥याउन प्रदेश, जिल्ला र क्षेत्रीय तहमा संयुक्त कार्यक्रम गर्ने भएका छन् । चुनावी तालमेल र एकताको सन्देशलाई आधारभूत तहसम्म विस्तार गर्ने र निर्वाचन क्षेत्र बाँडफाँट तथा निर्वाचन घोषणापत्र निर्माणको काम दुई ठूला बाम दलले सँगसँगै अघि बढाएका छन् । बाँडफाँट तथा निर्वाचन घोषणापत्र निर्माणको काम एक दुई दिनभित्रै टुङ्ग्याउने तयारी पनि ती दलले गरेका छन् । उम्मेदवारी र घोषणापत्र बाँडफाँडका लागि गठित संयुक्त कार्यदलले काम गरिरहेको छ भने एमाले स्थायी कमिटीको ८७ औं बैठक पनि जारी छ ।

पुरा पढ्नुहोस्

‘चुनावको सुनिश्चितताका लागि राप्रपा सरकारमा’– उपप्रधानमन्त्री थापा

मेचीकाली : 2017-10-18 14:16:35

काठमाडौँ, १ कात्तिक : उपप्रधान एवम् ऊर्जा मन्त्री कमल थापाले चुनावको सुनिश्चितताका लागि राष्ट्रिय प्रजातन्त्र पार्टी सरकारमा गएको बताएका छन् । ऊर्जा मन्त्रालयमा आज पदभार ग्रहण गर्दै उनले यसअघि नेकपा (माओवादी केन्द्र) का अध्यक्ष पुष्पकमल दाहालको नेतृत्वमा बनेको सरकारमा पनि चुनावको सुनिश्चितताकै लागि राप्रपा गएको बताए ।

पुरा पढ्नुहोस्

 

भर्खरै

 

धेरैले पढेको

 

भर्खरै प्राप्त प्रतिक्रियाहरु

 

मेचीकाली भिडियो

महाभुकम्प

थप भिडियोहरु