Wednesday, 25 April 2018 08:11 pm, Nepal

सरकार र डाक्टर केसीविच सहमति

मेचीकाली : 2018-01-13 08:50:33


 आजै अनसन तोडिने
काठमाडौं, २९ पुस :

सरकार र अनसनरत प्राध्यापक डाक्टर गोविन्द केसीबीच सहमति भएको छ । सरकारका स्वास्थ्य मन्त्री दीपक बोहरा र केसीले ५ बुँदे सहमति पत्रमा हस्ताक्षर गर्नुभएको छ । पाँच बुँदे सहमतिमा चिकित्सा शिक्षा आयोगलाई पूर्णता दिन ७ दिनभित्र सिफारिस समिति गठन गर्ने, त्रिवि चिकित्सा शास्त्र अध्ययन संस्थान (आइओएम)को डीनमा प्रध्यापक डाक्टर जगदीशप्रसाद अग्रवाललाई नै निरन्तरता दिने उल्लेख छ ।

त्रिवि चिकित्साशास्त्र अध्ययन संस्थानको खोसिएको अधिकार फिर्ता गर्ने सम्बन्धमा यसअघि गरिएका सम्झौता कार्यान्वयन गर्न त्रिवि कुलपतिले यथाशीघ्र र यथोचित कदम लिने बुँदासमेत सहमति पत्रमा छ । सहमतिको चौथो बुँदामा त्रिवि शिक्षण अस्पतालको सेवा र गुणस्तर बृद्धि गर्ने उल्लेख छ भने पाँचौमा केसीले अनसन कार्यक्रम अन्त गर्ने उल्लेख छ । सर्वोच्च अदालतले आईओएमको डीनमा शशी शर्मालाई पुनर्वाहली गरेलगत्तै प्राध्यापक डाक्टर केसी यसको खारेजी र प्रधानन्यायाधीशको राजीनामा माग गर्दै अनसन बस्नुभएको थियो ।
 तर, अदालतले केसीमाथी अवहेलना मुद्दा दर्ता गराउँदै पक्राउ गर्न आदेश दिएको थियो । अदालतले रिहा गर्ने आदेश दिएपछि पुनः अनसनलाई निरत्तरता दिएका केसी र सरकारबीच सहमति बनेको हो । सहमतिसंगै डाक्टर केसीको अनसन तोडिने भएको छ ।

प्रतिक्रिया दिनुहोस्

नाम:

इमेल:

प्रतिक्रिया:
नेपालीमा टाइप गर्नुहोस् । अंग्रेजीमा टाइप गर्न Ctrl+G थिच्नुहोस् ।

सुरक्षा संकेत:
verification image, type it in the box



 

भर्खरै

 

धेरैले पढेको

 

भर्खरै प्राप्त प्रतिक्रियाहरु

 

मेचीकाली भिडियो

महाभुकम्प

थप भिडियोहरु