Friday, 24 November 2017 12:23 am, Nepal

सरकार पुर्नःगठनसहितको रणनीति बनाउँदै कांग्रेस

मेचीकाली : 2017-10-09 08:44:08


माओवादीलाई सरकारबाट हटाउने तयारी
काठमाडौं, २३ असोज :

नेपाली काँग्रेस नेतृत्वको लोकतान्त्रिक गठबन्धनभित्र माओवादी केन्द्रलाई सरकारबाट हटाउने बारेमा छलफल सुरु भएको छ । गठबन्धनभित्र जारी औपचारिक तथा अनौपचारिक छलफलमा माओवादीलाई सरकारबाट हटाउने बारेमा छलफल भएपनि निर्णय अझै भइनसकेको काँग्रेस नेता रमेश लेखकले बताउनुभयो ।

उहाँका अनुसार निर्वाचन आयोगले आचारसंहिता लागु गरेको भए पनि विशेष राजनीतिक परिस्थिति निर्माण भएका कारण निर्णय गर्न गठबन्धनको नेतृत्वमाथि दवाव परेको छ । आज नेपाली कांग्रेसले सरकार पुनःगठनका विषयमा थप छलफल गर्दैछ । नेपाली कांग्रेसको कार्यसम्पादन समितिको बैठक बिहान प्रधानमन्त्री निवासमा बोलाइएको छ । बैठकमा दलहरुले मागेका सिट संख्या, तालमेल रणनीति, सरकार पुनःगठनलगायतका सबै विषयमा छलफल हुने लेखकले बताउनुभयो । राप्रपालाई सरकारमा ल्याउने गरि गृहकार्य भइरहेको छ ।

लेखकले विशेष परिस्थिति भएकाले निर्वाचन आचारसंहिता मान्न नपर्ने तर्क गर्नुभयो । प्रधानमन्त्री शेरबहादुर देउवाले लोकतान्त्रिक गठबन्धनलाई मजबुत गराउने उद्देश्यका साथ राष्ट्रिय प्रजातन्त्र पार्टीका अध्यक्ष कमल थापालाई सरकारमा आउन आग्रह गर्नु भएको छ । प्रधानमन्त्रीले सरकारमा सहभागी हुन गरेको आग्रहलाई सकारात्मक रूपमा लिँदै थापाले आज बिहान पार्टी कार्यसम्पादन समितिको बैठक बोलाउनु भएको छ । बैठकले सरकारको सहभागिताका विषयमा निर्णय गर्नेछ ।  

प्रतिक्रिया दिनुहोस्

नाम:

इमेल:

प्रतिक्रिया:
नेपालीमा टाइप गर्नुहोस् । अंग्रेजीमा टाइप गर्न Ctrl+G थिच्नुहोस् ।

सुरक्षा संकेत:
verification image, type it in the box



 

भर्खरै

 

धेरैले पढेको

 

भर्खरै प्राप्त प्रतिक्रियाहरु

 

मेचीकाली भिडियो

महाभुकम्प

थप भिडियोहरु