Wednesday, 18 October 2017 11:33 am, Nepal

दुई महिनामा आठ अर्बका सावरी साधन भित्रिए

मेचीकाली : 2017-09-25 16:20:06


वीरगञ्ज, ९ असोज :

हिन्दूहरुको महान् चाड दशँै, तिहार र छठ पर्वलाई लक्षित गरी व्यापारीले चालू आर्थिक वर्षको साउन र भदौ महिनामा भारतबाट रु आठ अर्ब मूल्य बराबरको भारतीय सावारी साधन नेपाल भित्र्याएका छन् । भारतीय सवारी साधन नेपाल भित्रिएपछि वीरगञ्ज भन्सार कार्यालयलाई कूल राजश्वको करिब ३० प्रतिशत ती सवारी साधनबाट उठेको सो भन्सारका सूचना अधिकारी सन्तोष यादवले जानकारी दिनुभयो ।

कार्यालयका अनुुसार चालू आवको साउन र भदौमा भारतबाट रु दुई करोड सात लाख तीन हजारका ३० वटा बस, रु १२ करोड ७७ लाख ८६ हजारका ६३ थान मिनी बस, रु २१ लाख बराबरको एक थान माइक्रो बस, रु तीन अर्ब ६२ करोड ७१ लाख ३६ हजारका दुई हजार २८५ थान जिप, कार भ्यान, रु २७ करोड २५ लाख बराबरका २१८ थान डबल क्याप पिकअप तथा रु २० करोड १६ लाख बराबरका २८७ थान सिंगल क्याप पिकअप नेपाल भित्रिएको छ ।

यसैगरी, सोही अवधिमा भारतबाट रु २५ करोड ४६ लाख ४१ हजार बराबरका २८३ थान मिनी ट्रक, रु ४८ करोड ८७ लाख ४४ हजारका ६३४ थान बस तथा रु दुई अर्ब ७१ करोड ६७ लाख ५१ हजारका ३५ हजार ८१४ थान विभिन्न कम्पनीका मोटरसाइकल नेपाल भित्रिएको छ ।

दशैँ, तिहार तथा छठमा विक्रेताले विभिन्न प्रकारका उपहार योजना राख्ने भएकाले बिक्री बढ्न जाँदा वीरगञ्ज नाकाबाट यति ठूलो परिमाणमा सवारी साधन नेपाल भित्रिएको हो । आव २०७३÷७४ को साउन र भदौमा रु छ अर्ब ५० लाख मूल्य बराबरको विभिन्न प्रकारका गाडी नेपाल भित्रिएका उक्त भन्सार कार्यालयले जनाएको छ ।

प्रतिक्रिया दिनुहोस्

नाम:

इमेल:

प्रतिक्रिया:
नेपालीमा टाइप गर्नुहोस् । अंग्रेजीमा टाइप गर्न Ctrl+G थिच्नुहोस् ।

सुरक्षा संकेत:
verification image, type it in the box



 

भर्खरै

 

धेरैले पढेको

 

भर्खरै प्राप्त प्रतिक्रियाहरु

 

मेचीकाली भिडियो

महाभुकम्प

थप भिडियोहरु