Happy tihar
Monday, 23 October 2017 08:27 am, Nepal

दक्षिण कोरियाको विदेश मन्त्रीमा पहिलो पटक महिला

एजेन्सी : 2017-06-18 14:41:05


सोल, ४ असार :

संयुक्त राष्ट्रसङ्घमा जिम्मेवारी सम्हालेर कुटनीतिक मामिलाकी अनुभवी व्यक्तित्व दक्षिणी कोरियाको पहिलो महिला विदेश मन्त्री हुनुभएको छ । उत्तर कोरियासँगको सम्बन्धलगायत उत्तर कोरियाले बारम्बार गर्दै आएको क्षेप्यास्त्र परिक्षणको समेत सुधार्नका लागि सजिलो हुने अपेक्षा सहित ६२ वर्षीया काङ क्युङलाई आइतबार राष्ट्रपति मुन जाए इनले विदेश मन्त्रीमा औपचारिकरुपमा नियुक्त गर्नुभएको अधिकारीले जनाएका छन् ।

यसै वर्ष मात्रै संयुक्त राष्ट्रसङ्घका महाचिव एन्टोनीओ गटेर्रेसको मानवअधिकार मामिला उच्च सल्लाहकार भइसक्नु भएकी क्युङ विदेश मन्त्री बन्नुभएको छ ।राष्ट्रपतिमा निर्वाचित भएपछिको पहिलो भ्रमण र भेटवार्ताका लागि अमेरिका जाँदा मुनले अमेरिकी राष्ट्रपति डोनाल्ड ट्रम्पसँग उत्तर कोरियाको हतियारका बारेमा कुराकानी गर्नु अगाडि नै काङ क्युङलाई विदेश मन्त्री बनाउने बताउनुभएको थियो ।

राष्ट्रसङ्घको जिम्मेवारी लिनु अगाडि काङले दक्षिण कोरियाको विदेश मन्त्रालयमा सेवा गर्नु भएको थियो ।उहाँको यही विभिन्न अनुभवका कारण छिमेकी मुलुकसँगको सम्वन्ध सुधार्नका लागि उहाँबाट धेरै सहयोग हुने अपेक्षा गरिएको राष्ट्रपतिको कार्यालयले जनाएको छ ।दक्षिण कोरियाका तत्कालिन राष्ट्रपति पार्क गेउन हाइलाई अपदस्त गरेपछि भएको निर्वाचनबाट मुन जाए इन राष्ट्रपतिमा निर्वाचित हुनुभएको हो । रासस/एएफपी

प्रतिक्रिया दिनुहोस्

नाम:

इमेल:

प्रतिक्रिया:
नेपालीमा टाइप गर्नुहोस् । अंग्रेजीमा टाइप गर्न Ctrl+G थिच्नुहोस् ।

सुरक्षा संकेत:
verification image, type it in the box



 

भर्खरै

 

धेरैले पढेको

 

भर्खरै प्राप्त प्रतिक्रियाहरु

 

मेचीकाली भिडियो

महाभुकम्प

थप भिडियोहरु