Wednesday, 08 February 2012 08:49 pm, Nepal
दार्चुला, २४ माघ : माओवादी युवा संगठन योङ्ग कम्युनिष्ट लिग वाईसीएलले आज दार्चुलाको गोकुलेश्वरमा माओवादी सेती महाकाली इन्चार्ज एवं पोलिटब्युरो सदस्य धर्मेन्द्र बास्तोलाको गाडी नियन्त्रणमा लिएको छ । जनमुक्ति सेना सरह आफुहरुलाई सुविधा दिनुपर्ने माग राख्दै हिजोदेखि सुदूरपश्चिममा वाईसीएलले पार्टीविरुद्ध आन्दोलन सुरु गरेको हो ।
दार्चुला मंसिर २८ : यही मङ्सिर १६ गतेदेखि अख्तियार दुरुपयोग अनुसन्धानको कार्यालय, टङ्गालबाट देशव्यापी रुपमा सुरु गरेको भ्रष्टाचारविरुद्धको राष्ट्रिय अभियानकर्ताको टोली आज दार्चुला पुगेको छ । वरिष्ट पत्रकार तथा भ्रष्टाचारविरुद्धका अभियन्ता भरत जङ्गमको टोलीले पश्चिम महाकालीबाट भेट यात्रा सुरु गरी पूर्व मेचीमा गई समापन गर्ने बताएको छ ।
दार्चुला, ८ असोज : साना जलविद्युत् केन्द्रको टर्वाइनमा खराबी आएपछि जिल्ला सदरमुकाम एक सातादेखि अन्धकार बनेको छ । विद्युत् आपूर्ति नहुँदा सदरमुकाम खलङ्गालगायत छापरी, काँटै र धाप गाउँ विकास समितिका बासिन्दा अन्धकारमा बस्न बाध्य भएका छन् । करिब २५ वर्षअघि निर्माण गरिएको केन्द्रको नियमित मर्मतसम्भार नहुँदा टर्वाइन बिग्रिएको स्थानीयवासीले बताएका छन् । विद्युत्सेवा बन्द हुँदा टेलिफोन सेवा पनि प्रभावित भएको छ ।
दार्चुला, २० भदौ
विगत एक
हप्तादेखि लगातार परिरहेको वर्षाका कारण दार्चुलाका विभिन्न ठाउँमा पहिरो
जाँदा ३६ परिवार विस्थापित भएका छन् । दार्चुला सदरमुकामबाट २३ कोश
उत्तरपूर्वमा पर्ने खण्डेश्वरी गाविसका १९ घरपरिवार पहिरोका कारण विस्थापित
भएका छन् । विगत एक हप्तादेखि लगातार परिरहेको वर्षाका कारण खण्डेश्वरी
गाविस–३ खिर्सामा पहिरो जाँदा ती घरपरिवार विस्थापित भएका हुन् ।
खण्डेश्वरीको सो बस्तीमाथिबाट पहिरो गइरहेको छ भने तलबाट क्षतिगाड खोलाले
दैनिक कटान गरिरहेको छ ।
दार्चुला, ९ साउन
सीप र
जाँगर भए धन कमाउन विदेश जानु पर्दैन भन्ने दृष्टान्त जिल्लाको विकट
धारीगाउँका एकजना उद्यमीले प्रस्तुत गरेका छन् । सदरमुकाम खलङ्गाबाट
पाँचकोस उत्तरमा पर्ने धारी गाउँ विकास समिति–४ का विष्णुदत्त जोशीले
स्थानीयतहमा प्राप्त हुने कच्चापदार्थको उपयोग गरी साबुन उद्योग सञ्चालन
गरेका छन् ।