Wednesday, 08 February 2012 08:38 pm, Nepal
कैलाली, २४ माघ : सुदूरपश्चिमका ९ वटा जिल्लामा रहेका माउ पार्टी एकीकृत नेकपा माओवादीको कार्यालयमा तालाबन्दी गरेर आन्दोलनमा उत्रेको माओवाद्र भ्रातृ संगठन वाइसिएले आन्दोलन फिर्ता लिएको छ । माओवादी नेताहरु जनार्दन शर्मा ‘प्रभाकर’ र वर्षमान पुन ‘अनन्त’संग कैलालीको मसुरियामा भएको वार्तामा सहमती भएपछि आन्दोलन फिर्ता लिएको वाइसिएलले जनाएको छ ।
धनगढी, २३ माघ : एकीकृत नेकपा माओवादीको युवा संगठन वाईसीएल आफ्नै माउ पार्टीको विरोधमा उत्रेको छ । वाईसीएलले विभिन्न पाँच सुत्रिय माग राख्दै कैलालीमा रहेको माओवादीको पार्टी कार्यालयमा तालाबन्दी समेत गरेको छ ।
धनगढी, २२ माघ : से१च ५८४ नं को एम्बुलेन्सको ठक्करबाट आज पूर्व–पश्चिम राजमार्गको कैलाली–चौमाला सडकखण्डमा दुई बालक घाइते भएका छन् । ट्राफिक प्रहरीका अनुसार, बिरामी बोकेर धनगढीतर्फ आउँदै गरेको सो एम्बुलेन्सको ठक्करबाट चौमाला गाविस भोजपुरा गाउँका १३ वर्षीय प्रेमबहादुर विक र आठ वर्षीय टेकबहादुर विक घाइते भएका छन् ।
कैलाली, ३ माघ : कैलालीमा ट्रकको ठक्करबाट दुई जनाको मृत्यु भएको छ । ठक्करबाट मालाखेती गाविस ७ तेघरीकी ३५ वर्षीय सञ्जादेवी ओझा र उहाँकी छोरी १० वर्षीया रुपा ओझाको मृत्यु भएको प्रहरीले जनाएको छ । कैलालीको गोदाबरीबाट अत्तरियाका लागि छुटेको ट्रकले सडकमा हिडिरहेका उनिहरुलाइ ठक्कर दिएको हो ।
कैलाली, २० पुस : हिन्दु धर्म बचाउ अभियान नेपाल र हिन्दुवादी संस्था स्नेह समाजले आज सुदुरपश्चिम बन्दको आह्वान गरेको छ । बन्दको कारण सुदुरपश्चिमको कैलाली र कञ्चनपुर जिल्ला प्रभावित बनेका छन् । अरु जिल्लामा बन्दको प्रभाव कम परेको छ । कैलाली र कञ्चनपुरमा यातायात, शैक्षिकसंस्था र बजार बन्द छन् ।