Wednesday, 08 February 2012 08:29 pm, Nepal
बाजुरा, ४ माघ : बाजुरा जिल्लाको पूर्वोत्तर एक गाविसमा चुल्हो छोएको आरोपमा मङ्गलबार दुई दलित कुटिएका छन् । दलित दलितबीचमै उपल्ला जातिको नाममा झगडा भएको हो । घाइते दुवैजनाको कोल्टी प्राथमिक स्वास्थ्य केन्द्रमा उपचार भइरहेको छ ।
बाजुरा, २७ पुस : बाजुराको हिमाली क्षेत्रमा केही दिनदेखि हिमपात भएपछि स्थानियबासिन्दा जाडो छल्न बेँसी झरेका छन् । जिल्लाका उत्तरी क्षेत्रमा पर्ने पाण्डुसैन, कोल्टि, रुगिन, दहकोट, बिच्छया वाईलगायतका ११ वटा गाविसका बासिन्दा बेँसी झरेका हुन् । गाउँमा एक दुई फिटभन्दा बढी हिमपात भएपछि जिल्लाको कोल्टि बाजुराको तल्लो भेगमा पर्ने बाह्रबिस कुल्देबमाण्डौ, बह्रमतोला र अछाम बसाई सरेका हुन् ।
बाजुरा, १९ पुस : बाजुरामा २० प्रतिशतले २० वर्षभन्दा कम उमेरमा नै गर्भवती हुनेगरेको तथ्याङ्क सार्वजनिक गरिएको छ । जिल्लामा महिला तथा किशोरकिशारीको प्रजनन स्वास्थ्यसम्बन्धी अध्ययन गर्ने ब्रिटेन नेपाल मेडिकल ट्रस्ट नामक संस्थाले सो तथ्याङ्क सोमबार सार्वजनिक गरेको हो ।
बाजुरा, ६ पुस : बाजुरा जिल्लाको उत्तरी भेगमा पर्ने जुकोट गाविसमा गएराति भएको आगालागीमा परेर घर जलेका १६ दलित परिवार विस्थापित भएका छन् । सो गाविसको वडा नं ५ मा रहेको कडारबाडा नामको दलित बस्तीमा गएराति अकस्मात आगालागी भएको थियो । खरले छाएका छाना भएकाले आगो नियन्त्रण हुन नसकेको बताइएको छ ।
बाजुरा, २७ मंसिर : बाजुराका जनता वर्षौदेखि झरो दियालो र टुकीबाट मुक्त भई दिन प्रतिदिन विद्युत्ले गाउँ झिलिमिली पार्ने अभियानमा जुटेका छन् । जलविद्युत्को प्रचुर सम्भावना रहेको जिल्लामा जनताको सक्रियतामा हरेक खोलाबाट लघु जलविद्युत् आयोजनाबाट बत्ती बाल्ने काम भइरहेको छ । विद्युत्को नाममात्र सुनेका जनता आफँै विद्युत् बाल्न थालेपछि हौसिएका देखिन्छन् । जिल्लाका २२ बढी खोलानालाबाट विद्युत् उत्पादन गर्न २७ वटै गाविसका जनता लागेका छन् ।