Wednesday, 08 February 2012 08:14 pm, Nepal
बझाङ, २४ पुस : भारी हिमपातका कारण बझाङको उत्तरी क्षेत्रमा जनजीवन कष्टकर वनेको छ । चीनसंग सीमाना जोडिएका कांँडा, सुरुमा, दोलीचौर, कैलाश, रिलु, धमेना, लेकगाँउ, देउलेक लगायत गाविसमा आज विहानैदेखि भारी हिमपात भएको हो । सो क्षेत्रमा ५ फिटसम्म हिउ परेको छ. ।
बझाङ, ५ कात्तिक : सरकारले घोषणा गरेको राष्ट्रिय साक्षरता अभियान बझाङ जिल्लामा सुरु हुन सकेन । यही कात्तिक १ गतेबाट सुरु गर्ने भनिएको सो अभियान गाविस सचिवको लापरबाहीका कारण सुरु हुन नसकेको हो । जिल्लाका ४७ वटा गाविसमा साक्षरता कक्षा सञ्चालन गर्न जिल्ला शिक्षा कार्यालयले गाविसको खातामा रकम निकासा गरिसकेको बताइएको छ ।
बझाङ, २९ साउन : बझाङको सूर्मा गाविस खगुननारामा लेक लागेर तीन जनाको मृत्यु भएको छ । सुरमा सरोवर मेला हेर्न जाने क्रममा लेकगाउँ २ का रामसिङ्गे चलाउने र नरेश बोहोरा तथा सुबेडा ५ का सिंङ्गे रानाको लेक लागेर मृत्यु भएको हो । लेक लागेर विरामी परेका उनीहरुको गएराती मृत्यु भएको प्रहरीले जनाएको छ ।
बझाङ, १८ जेठ : यार्सागुम्बा टिप्न गएका ६ जनाको अत्याधिक चिसोका कारण मृत्यु भएको छ । अरु पनि बिरामी भएर खाली हात घर फर्केका छन् । मृत्यु हुनेमा पाँचजना बझाङका स्थानीय बासिन्दा रहेका छन् भने एक जना सुर्खेतका रहेका त्यहाँबाट फर्केकाहरुले जनाएका छन् । बझाङको रिलु गाविसका रामवहादुर बोहराले जानकारी दिनुभयो । बोहराका अनुसार अबिरल बर्षासँगै परेको हिउँका कारण उक्त क्षेत्रमा अत्याधिक चिसो बढेकाले उनीहरुको मृत्यु भएको हो ।
बझाङ, ८ वैशाख : चरम गरिबीका कारण हातमुख जोर्न समस्या भएपछि बझाङ कोटभैरब– ३ थलाराखोलीकी २५ बर्षीया विमला बादीले बुधबार सेती नदीमा हाम फालेर आत्महत्या गरेकी छिन् । थलाराखोलीम झुप्रो बनाएर तीन सन्तानसँग बस्दै आएकी विमला सोमबार काम खोज्दै जिल्ला सदरमुकाम चैनपुर आएकी थिइन् । विमलाले खानेकुरा जोहो गर्न नसकेपछि आत्महत्या गरको स्थानीयबासीले बताएका छन् ।
|