Wednesday, 08 February 2012 08:13 pm, Nepal
दाङ, १८ माघ : सरकारले सूचनाको हकसम्बन्धी विधेयकलाई अङ्कुश लगाउने गरी १ सय ४० किसिमका सूचना लुकाउने निर्णयप्रति पत्रकारहले विरोध जनाएका छन् । नेपाल सरकारले ल्याएको सूचना वर्गीकरणको विरोधमा प्रेस चौतारी नेपाल दाङले विरोध स्वरुप आज सूचना वर्गीकरण पत्र जलाउने भएको छ ।
दाङ (तुलसीपुर), १४ माघ : नेपाली काँग्रेसका सभापति सुशील कोइरालाले द्वन्द्वकालमा जनसत्ताले कब्जा गरेको घरजग्गालाई वैधानिकता दिने माओवादी नेतृत्वको सरकारले गरेको निर्णय तत्काल फिर्ता हुनुपर्ने बताउनुभएको छ । नेपाली काँग्रेस क्षेत्र नं १ का तत्कालीन क्षेत्रीय सभापति स्वर्गीय नारायण चौधरीको दाङको मौरीघाटमा निर्माण गरिएको सालिक अनावरण गर्न दाङ आउनुभएका कोइरालासँग प्रेस युनियन दाङले मौरीघाटमा आज गरेको पत्रकार भेटघाट कार्यक्रममा उहाँले सो कुरा बताउनुभएको हो ।
दाङ, १० माघ : अज्ञात समूहले दाङको तुलसीपुरमा मंगलबार विहान यात्रु चढ्दै गरेको बसमा बम बिष्फोट गराएको छ । तुलसीपुरबाट रुकुमको झुल्नेटा जाने तयारीमा रहेको ना ३ ख ३०७४ नम्बरको बसमा यात्रु वस्दै गर्दा बम बिष्फोट भएको प्रहरीले जनाएको छ । बसमा केही यात्रु चढिसकेका थिए भने केही चढ्ने तयारीमा थिए । बिष्फोटनबाट मानवीय क्षति नभए पनि बसमा क्षति पुगेको छ ।
दाङ, २३ पुस : दाङमा आज ट्रक र जीप ठोक्किएर भएको दुर्घटनामा मर्नेको संख्या १० पुगेको छ । लमहीबाट यात्रु लिएर कपिलबस्तुको कृष्णनगर तर्फ जाँदै गरेको ना १ ज १३४९ नम्वरको जिप र पूर्ववाट पश्चिम तर्फ आँउदै गरेको ना ३ ख ६०९८ नम्वरको ट्रक गोवरडिहा–१ टहडामा ठोकीदा मृत्युहुनेको संख्या हुदा अहिलेसम्म १० पुगेको हो ।
दाङ, २३ पुस : दाङमा आज विहान ट्रक र जीप ठोक्किएर दुर्घटना हुँदा ७ जनाको मृत्यु भएको छ । दुर्घटनामा परी ६ जनाको घटनास्थलमै र एकजनाको लमहीमा उपचारका क्रममा मृत्यु भएको हो । मृत्यु हुनेहरुमा जीप चालक चैलाही ९ वगाउँका धनिराम चौधरी, सिसहनिया ४ पिपरी की पालु गुप्ता, चौलाही २ लमहीका अशोक योगी, रवि चौधरी, कान्तु चौधरी, मालती गौतम र एक बालक निर्जल केसी रहेका छन् ।