Wednesday, 08 February 2012 08:55 pm, Nepal
अर्घाखाँची २३ पुस : अर्घाखाँचीको बागी गाविसमा पर्ने घेराको भीरबाट खसेर आज बिहान एक बालकको घटनास्थलमै मृत्यु भएको छ । हंसपुर–६ निवासी खुमबहादुर भलामीका छोरा १० वर्षीय बालक कमल भलामीको बिहान बाँदर लखेट्दै जादा भीरबाट खसेर मृत्यु भएको हो ।
अर्घाखाँची, ५ मंसिर : जुकेना गाविसस्थित सुधा उच्च माविमा चार दिनदेखि लगाइएको ताला खुल्न नसक्दा विद्यालयको दोस्रो त्रैमासिक परीक्षा सञ्चालन हुन सकेको छैन । विद्यालयमा नेपाली विषयको शिक्षक राख्ने विषयमा स्थानीय राजनीतिक दलबीच समझदारी कायम हुन नसकेपछि गत बिहीबारदेखि विद्यार्थीले विद्यालयमा तालाबन्दी गरेका थिए ।
अर्घाखाँची, २८ कात्तिक : अर्घाखाँची जिल्लाको किमडाँडामा जिप दुर्घटना हुँदा एकजनाको मृत्यु भएको छ । लु१ज १७५६ नम्बरको जिप किमडाँडाको सिमलपाटामा सडकमै पल्टिँदा गुल्मी पुर्कोटदह गाविस आरुपाटाका सोही जिपका सहचालक १७ वर्षीय तिलक केसीको घटनास्थलमै मृत्यु भएको हो ।
अर्घाखाँची, २३ साउन : अर्घाखाँचीको जलुके गाविसमा सिकार खेल्न जङ्गलमा गएको बेला आफ्नै साथीले चलाएको गोली लागेर एकजनाको ज्यान गएको छ । जलुके गाविस–५ बुढीदमारको जङ्गलमा सिकार खेल्न गएको बेला टङ्कबहादुर पुनले मृग भनेर चलाएको गोली लागेर आफ्नै साथी स्थानीय ५२ वर्षीय डालबहादुर कुमाल (के एम) को ज्यान गएको हो ।
अर्घाखाँची, ८ साउन : अर्घाखाँचीको ठूलापोखरा गाविसमा आज दिउँसो धान लिन खेतमा गएको बेला खोलामा डुबेर तीन विद्यार्थीको मृत्यु भएको छ । धान लिन खेतमा गएको बेला ठूलापोखरा गाविस वडा नं ९ चौहास्थित जररे खोलामा नुहाउने क्रममा खोलामा डुबेर नेपाल राष्ट्रिय उच्च मावि ठूलापोखरामा अध्यनरत तीन विद्यार्थीको मृत्यु भएको हो ।