Wednesday, 08 February 2012 08:18 pm, Nepal
लमजुङ, ५ माघ : मध्यमस्र्याङ्दी जलविद्युत् आयोजना मर्मतका लागि २१ दिनका लागि बन्द हुने भएपछि सिङ्गो मुलुकसँगै लमजुङ जिल्लाले पनि थप लोडसेडिङ खेप्नुपर्ने भएको छ । लोडसेडिङको चर्को मार खेप्दै आएको मुलुकले अब माघको १५ गतेदेखि थप लोडसेडिङको मार खेप्नुपर्ने भएको हो ।
लमजुङ, १८ पुस : पूर्वी लमजुङको कोल्की गाविस दोभान गाउँमा आमाछोरीलाई बोक्सीको आरोपमा स्थानीय वासिन्दाले यातना दिएका छन् । कोल्की गाविस ९ दोभानकी ५४ बर्षिया झ्यापूमाया तामाङ र उहाँकी १९ बर्षिया छोरी हिरामाया तामाङलाई यातना दिएको पीडितले बताएका छन् ।
लमजुङ, १२ मंसिर : लमजुङ जिल्लामा यस वर्ष एड्स रोगीको सङ्ख्यामा वृद्धि भई १४९ जना पुगेको छ ।गत वर्ष १४४ जनामा एचआइभी/एड्स पाइएकामा यस वर्ष थप पाँचजनामा एचआइभी÷एड्स देखिएको जिल्ला एड्स समन्वय समिति लमजुङले जनाएको छ । समितिले लमजुङका विभिन्न ३५ गाविसमा सङ्क्रमित रहेका र तीमध्ये महिलाको सङ्ख्या ६० जना रहेको जनाएको छ ।
मनाङ, २८ कात्तिक : पटक–पटक स्थगित हुँदै आएको मनाङको चर्चित नार हत्याकाण्ड मुद्दाको एकदुई दिनमै फैसला हुने भएको छ । न्यायाधीश, सरकारी वकिल र प्रतिवादी वकिलको तालमेल नमिल्दा यसअघि ६ पटकसम्म सुनुवाइ हुन नसकेको यो मुद्दाको सुनुवाइ सकिएको छ । बिहीबारदेखि मुद्दाको बहस पैरवी सुरु भएको र अब एकदुई दिनमै फैसला हुने जिल्ला अदालत मनाङले जनाएको छ ।
लमजुङ, ४ भदौ : लमजुङको बेशीसहरतर्फ जाँदै गरेको बस आइतबार दिउँसो बेशीसहर बजार नजिकै सेराको ओरालोमा दुर्घटना भएको छ। प्रहरीका अनुसार दुर्घटनामा परी ३ यात्रुको घटना स्थलमै मृत्यु भएको छ भने ५ यात्रु गम्भीर घाइते भएका छन्। पोखराबाट बेशीसहरतर्फ जाँदै गरेको ग १ ख १८१९ नम्बरको बस दुर्घटना भएको हो।