Wednesday, 08 February 2012 08:29 pm, Nepal
पोखरा- सहारा क्लब पोखराको आयोजनामा यही माघ १७ देखि २८ गतेसम्म पोखरा रङ्गशालामा सञ्चालन हुने दसौं आहा गोल्डकपको सम्पूर्ण तयारी पूरा भएको छ । “खेलकूदको विकासमा सहकार्य गरौँ, पोखरालाई खेलकूद, पर्यटन सहरको रुपमा स्थापित गरौँ’’ भन्ने मूल नाराका साथ आयोजना हुने उक्त प्रतियोगितामा १२ टीमको सहभागिता रहनेछ ।
पोखरा, ११ माघ : पोखराको सभागृह स्थित एक लाईट हाउसमा अज्ञात समुहले राखेका बम बिष्फोट हुदा आज एक जनाको मृत्यु भएको छ । मृत्यु हुनेमा लाईट हाउसमा कार्यरत स्याङजा वरष्टेका २५ बर्षिय राम बहादुर बास्तोला बिक रहेको प्रहरीले जनाएको छ ।
कास्की–पश्चिमाञ्चल क्षेत्रीय खेलकुद विकास समितिको आयोजनामा यही माघ४–१० गतेसम्म पोखरा रङ्गशालामा बृहत् पश्चिमाञ्चल क्षेत्रीय अन्तर जिल्लास्तरीय खेलकुद महोत्सव सुरु हुँदैछ । महोत्सवमा पश्चिमाञ्चलका १६ जिल्लाका दुई हजार ९८ जना खेलाडीले विभिन्न ३० वटा खेलमा प्रतिस्पर्धा गर्ने आयोजित पत्रकार सम्मेलनमा जानकारी दिइएको छ । महोत्सवमा ३९४ जना कर्मचारी, १०० स्वयम्सेवक र ५०० खेलाडी सहभागी हुने पश्चिमाञ्चल खेलकुद विकास समितिका अध्यक्ष दीपक कोइरालाले बताउनुभयो ।
पोखरा, २८ पुस : नेपाली कांग्रेसका युवा नेता गगन थापाले माओवादीमा रहेको घमन्डलाई तोड्नकै लागि भएपनि जनमत सङग्रहमा जानुपर्ने बताउनु भएको छ । बिहीबार बिहान पोखरामा भएको पत्रकार सम्मेलनमा उहाँले हतियार विनाको माओवादीलाई आफुले जे भन्यो त्यो नेपाली नागरिकले मान्छन् भन्ने भ्रम त्याग्न पनि आग्रह गर्नुभयो ।
पोखरा, २६ पुस : पोखरामा हिजोदेखि सुरु भएको तीन दिने पाँचौ राष्ट्रिय प्राङगारिक कृषि प्रदर्शनी मेलामा किसानदेखि उपभोक्ता सबैले चासोका साथ सहभागिता जनाइरहेका छन् । प्राङ्गारिक कृषि उपज र प्रविधिको १ सय १२ वटा स्टल प्रर्दशनी छन् । इलामको चिया,हुम्लाको च्याउ देखि कास्कीका सुन्तला र स्याङजाको तरुल प्रदर्शनमा राखिएको छ ।