Wednesday, 08 February 2012 08:36 pm, Nepal
सिरहा, २३ माघ : जिल्लामा शान्ति सुरक्षाको प्रत्याभूति, सुशासन, विभिन्न आपराधिक घटनाको छानवीन गर्नुपर्नेलगायतका माग गरी आन्दोलन गर्दै सिरहामा भइरहेको आन्दोलनमा एकजनाको मृत्यु भएको छ । दुई दिनअघि भएको चरणबद्ध आन्दोलनका क्रममा एमाले जिल्ला कार्य समितिले गरेको धर्नामा प्रहरीले लाठी चार्ज तथा ढुङ्गा हान्दा घाइते भएका हनुमाननगर ७ का रामस्वरुप पासवानको उपचारका क्रममा निधन भएको छ ।
लहान, १२ माघ : मधेसी जनअधिकार फोरम नेपाल (लोकतान्त्रिक) सिरहाका जिल्ला अध्यक्ष रामचरित्र साहमाथि गएराति अज्ञात समूहले गोली प्रहार गरेको छ । राति करिब एक बजेतिर कोखामा एक गोली लागेर घाइते हुनुभएका साहको अहिले विराटनगरस्थित न्युरो अस्पतालमा उपचार भइरहेको छ ।
सिरहा, ८ माघ : सिरहा नगरपालिका ५ मानपुरमा भीषण आगलागी भएको छ । आईतबार दिउसो सुरु भएको आगलागीबाट ११ वटा घर जलेर नष्ट भएको प्रहरीले जनाएको छ । आगलागीबाट कुनै मानवीय क्षति भने भएको छैन । दिउसो १२ बजे भान्सामा रहेको चुल्होबाट सल्किएको आगो फैलिएपछि ६ परिकारका ११ घर जलेका हुन् । आगलागीबाट लाखौँ धन सम्पति जलेर नष्ट भएको छ ।
सिरहा, ७ माघ : वडा प्रहरी कार्यालय लहानका घुमुवा प्रहरी असर्फी साहलाई व्यापारिले घुस नदिदा घुमुवा प्रहरीद्धारा जर्वजस्ती लाठी चार्ज गरिएको छ । प्रहरीले उनीहरुबाट बीस हजार माग गरेको पीडित व्यापारिहरुले बताएका छन् । भारतबाट राजश्व तिरेर लहानमा सामान बेच्न ल्याएको सात व्यापारीलाई हिजो साँझ प्रहरीले लहानमा निर्घात कुटपिट गरेका हुन् ।
लहान, ४ माघ : प्रधानमन्त्री डा.बाबुराम भट्टराईको सरकार राष्ट्रिय सहमतिको सरकार बन्न नसक्ने ठोकुवा गर्नुभएको छ । एमालेका अध्यक्ष झलनाथ खनालले वर्तमान सरकारले अविलम्व राजीनामा दिएर राष्ट्रिय सहमतिको सरकार बनाउन मार्ग प्रशस्त गर्नुपर्ने बताउनुभयो । आज लहानमा आयोजित पत्रकार सम्मेलनमा अध्यक्ष खनालले यही सरकारमा सामेल भएमा अरु पार्टी पनि चुर्लुम्मै डुब्ने दावी गर्नुभयो ।