Wednesday, 08 February 2012 08:16 pm, Nepal
भद्रपुर, २४ माघ : स्कुटरमा सवार दुई युवकको गएराति दुर्घटनामा परी मृत्यु भएको छ ।अनारमणि–३ बस्ने १८ वर्षीय साजन सुब्बा र १७ वर्षीय अभिषेक आचार्यको मृत्यु भएको इलाका प्रहरी कार्यालय विर्तामोडले जनाएको छ । सुब्बाको विर्तामोडस्थित कन्काई अस्पतालमा उपचारको क्रममा मृत्यु भएको हो भने आचार्यलाई उक्त अस्पतालबाट उपचारका लागि भारतको सिलगुडी लग्नेक्रममा बाटोमा मृत्यु भएको हो ।
भद्रपुर, २३ माघ : झापाको हल्दीबारीस्थित उच्च माध्यमिक विद्यालयकी एक छात्राको हत्या भएको चार दिन बित्दा पनि हत्यारा पत्ता नलागेकामा विद्यालयले चिन्ता व्यक्त गरेको छ । विद्यालयका अध्यक्ष रेवतीरमण नेपाल, अभिभावक सङ्घका अध्यक्ष नरबहादुर बस्नेत र प्राचार्य यामकुमार सिटौलाले संयुक्तरुपमा विज्ञप्ति जारी गरी कुनै बहानामा दोषीलाई उन्मुक्ति दिइएमा विद्यालय सशक्त आन्दोलनमा उत्रिने चेतावनी दिनुभएको छ ।
झापा, २२ माघ : झापाको जामुनखाडीमा मुनाल यातायातको यात्रुबस दुर्घटना हुँदा तीन जनाको घटनास्थलमा मृत्यु भएको छ । मृत्यु हुनेमा झापा मेचीनगरपालिकाका बस चालक अशोक अधिकारी, सोही स्थानका निर्जल रिजाल र इटहरीकी कृष्णमाया श्रेष्ठ छिन् । दुर्घटनामा अरु ६ जना घाइते भएका छन् । घाइतेमध्ये गम्भीर अवस्थामा रहेका तीन जनालाई थप उपचारको लागि विराटनगरस्थित न्यूरो अस्पताल लगिएको छ ।
भद्रपुर, १९ माघ : जिल्ला जनस्वास्थ्य कार्यालय झापालाई झुलअनुसारको घर पाउन भएको कठिनाइले टाउको दुखेको छ । जिल्लामा औलो र कालाजार रोकथामका लागि लामखुट्टेबाट जोगिन खाटलाई छोप्ने झुलमा कतिपय ठाउँमा घर नै अटाउने अवस्था देखिएपछि कार्यालयलाई टाउको दुखाइ भएको हो ।
झापा (काँकडभिट्टा), १७ माघ : झापाको विर्तामोडमा विश्वको सबैभन्दा होचो व्यक्तिको दाबीसहित दाङ पुरन्धरा–८ का एक वृद्ध सार्वजनिक भएका छन् । बाइस इन्च उचाइ र १२ किलोग्राम तौलसहितका ७२ वर्षीय चन्द्रबहादुर डाँगीलाई बागेश्वरी डाँगीबन्धु ट्रसको पूर्वाञ्चल क्षेत्रीय कार्यालयले विर्तामोडमा पत्रकार सम्मेलन गरी सार्वजनिक गरेको हो ।