Wednesday, 08 February 2012 08:54 pm, Nepal
भद्रपुर, २ माघ : ताप्लेजुङमा आज लप्सीको दाना घाँटीमा अड्किएर एक बालकको ज्यान गएको छ । फुरुम्बु गाविस–५ बस्ने घनश्याम सिग्देलका चार वर्षीय छोरा मिलनको मृत्यु भएको जिल्ला प्रहरी कार्यालय ताप्लेजुङले जनाएको छ । अचार खानको लागि साथीहरुसँग लप्सी खोज्न जङ्गल गएको बेला उनले पाकेको लप्सी खाएपछि दाना अड्किएर उनको मृत्यु भएको हो ।
ताप्लेजुङ, २ माघ : दुई सातादेखि परेको हिमपातका कारण हिमाली जिल्ला ताप्लेजुङको जनजीवन नराम्ररी प्रभावित भएको छ । हिमपातका कारण चिसो बढेपछि मानिसहरूको दिनचर्या निक्कै कष्टकर बनेको छ । गत शुक्रबारदेखि मौसममा केही सुधार आई घाम लागे पनि आइतबार बिहानैदेखि हिमाली क्षेत्रमा पुनः हिउँ पर्न सुरु भएको र लगातारको हिमपातले जनजीवन प्रभावित भएको स्थानीयवासीले बताएका छन् ।
ताप्लेजुङ, २३ पुस : सुकेटार विमानस्थलको विस्तार आगामी साता सकिने भएको छ ।असार मसान्तसम्म सक्ने लक्ष्य राखिएको विस्तार कार्य छ महिना अगावै पुरा हुन लागेको इन्जिनियर मणिगोविन्द श्रेष्ठले बताउनुभयो ।छ सय मिटर लम्बाइ रहेको विमानस्थल विस्तारका लागि नेपाल नागरिक उड्डयन प्राधिकरणले गत वर्ष कान्छाराम, याक्थुङहाङ र युनाइटेड बिल्डर कम्पनीलाई जिम्मा दिएको थियो ।
ताप्लेजुङ, १९ पुस : अलैँचीको गानो कुहिने, फल नपाक्ने रोगका कारण अलैँचीको गुणस्तरीयतामा कमी आएकाले प्रतिदिन अलैँचीको भाउमा कमी आएको छ । गत आर्थिक वर्षमा प्रतिमन प्रति ४० केजीको रु ८० हजारको हाराहारीमा पुगेको अलैँचीको भाउ अहिले रु ३० हजारमा बिक्री भइरहेको अलैँची कृषक सञ्जाल नेपालका अध्यक्ष शिव गुरुङले बताउनुभयो ।
ताप्लेजुङ, २९ मंसिर : ताप्लेजुङ जिल्लाको साब्लाखुमा गएराति एक दम्पतीले सँगै घाँटीमा पासो लगाई झुण्डिएर आत्महत्या गरेका छन् । साब्लाखु गाविस वडा नं–५ बस्ने २१ वर्षीय श्रीप्रसाद पन्दाक (लिम्बू) र निजकी पत्नी १७ वर्षीया नवर्दा भट्टराईले घर नजिक रहेको चुवापूmलको रुखमा पासो लगाई झुण्डिएर आत्महत्या गरेका हुन् ।